O Concello de Noia puxo en marcha unha campaña para fomentar o civismo entre a veciñanza en materia de tratamento de residuos e para o coidado e mantemento dos espazos e os equipamentos públicos. En concreto, a iniciativa arrinca poñendo o foco no uso correcto dos contedores de lixo e, tamén, na práctica tristemente estendida de non recoller as feces das nosas mascotas.
Ao abeiro esta campaña faranse controis aleatorios por parte da Policía Local, en distintos puntos do termo municipal.
“Pregamos a toda a cidadanía que cumpran co regulamento municipal de limpeza viaria depositando os residuos e enseres de forma correcta nos contedores, ou no punto limpo do Polígono de Augalevada”, explica o Concello, lembrando os horarios do Punto Limpo:
-En horario de mañá: LUNS, MARTES, MÉRCORES, XOVES, VENRES E SÁBADO de 9:00h a 14:00h.
-En horario de tarde: XOVES de 16:00h a 20:00h.
