Mentres a secretaria xeral de Pesca avisa que o día 9 empezará a aplicarse o veto á frota, o sector anuncia que sairá á rúa

A secretaria xeral de Pesca, Alicia Villauriz, avisou de que aínda que se presente recurso contra o veto á frota de fondo, este “non vai estar resolto para o día 9, simplemente polos tempos, aínda que se presentou a semana pasada”.
A secretaría xeral reuneu a representantes do sector e así este martes viuse coa Federación Nacional de Confrarías e responsables de Burela e Celeiro, entre outros, para coñecer o efecto desta medida, que España pide suspender pero cuxa entrada en vigor en pouco máis de 10 días confirmou este luns o comisario do ramo.

En concreto, este martes as dúas partes analizaron as consecuencias para barcos palangreiros que faenan na zona de Gran Sol e nos próximos días continuarán os encontros coas demais artes que pescan nesa zona e no resto de zonas que afectan a España.

Por outra banda os pescadores sairán ás rúas polo veto europeo á pesca de arrastre, segundo anuncia a Federación Nacional de Confrarías
O presidente da Federación Nacional de Confrarías de Pescadores e patrón maior do porto de Burela, Basilio Otero, avanzou a convocatoria de mobilizacións polo veto da Unión Europea (UE) á pesca de fondo.