Martín Casais, dúbida no Rotogal Boiro Voleibol para recibir ao Unicaja Almería

29 Setembro 2022

Miguel Álvarez.-O Rotogal Boiro Voleibol iniciará a Superliga pasado mañá ás sete da tarde na Cachada. Farao contra o Unicaja Almería, o vixente campión. E a dúbida para o técnico Emilio Palacio é Martín Casais, que se lesionou no xeonllo durante o adestramento de onte pola tarde. “Se ten molestias, coidarémolo, porque o queremos ter dispoñible para os seguintes enfrontamentos”, explica o preparador.
O Rotogal Boiro Voleibol contará coas baixas de Kleist Mendonça, Elgueta e Wu Cheng-Tang, os seus
tres xogadores estranxeiros. “O visado está a tardar máis do habitual e estamos a esperar a que se poidan
incorporar canto antes”, manifesta Emilio Palacio.
Achega do Unicaja Almería, o técnico sinala que “é un equipo que cambiou moito. Na Copa, notouse que ten moitos xogadores novos e o Melilla gañoulles porque está máis rodado. Pero, ao final de tempada, sempre é un dos rivais perigosos”. “Será un partido moi difícil no que teremos que competir ao nivel deles. Sabemos que somos un conxunto inferior e que non somos aínda os que seremos máis adiante”, comenta o preparador do Rotogal Boiro Voleibol.

O xogador lesionouse no xeonllo no adestramento vespertino do mércores

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...