O Concello de Boiro, na sesión plenaria do mes de setembro celebrada este xoves 22, aprobou os festivos locais para o ano 2023. Os festivos seleccionados no municipio como festivos para o seguinte exercicio son o 21 de febreiro, Martes de Entroido, e o 31 de agosto, San Ramón de Bealo.
A Consellería de Promoción do Emprego e Igualdade remitiu as festas laborais para o vindeiro ano 2023 de carácter autonómico e que serán o 17 de maio, Día das Letras Galegas, e o 25 de xullo, Día Nacional de Galicia. Serán tamén festivos o 6 de xaneiro; 6 e 5 de abril; o 1 de maio; o 15 de agosto, o 12 de outubro; o 1 de novembro; e os días 6, 8 e 25 de decembro.
En base a iso, o Concello de Boiro determinou como festivos locais o día de San Ramón, 31 de agosto, e tamén o Martes de Entroido, que será o 21 de febreiro de 2023.
