Mamá Cabra desembarca en Boiro este venres 30 de setembro

Este venres 30 de setembro a Casa da Cultura de Boiro vai acoller un espectáculo infantil de contacontos e música a cargo do grupo Mamá Cabra: o espectáculo Obradoiro de arrolos. Será a partir das 18.00 horas, con capacidade limitada. Trátase dunha cita creativa e cultural para bebés de entre 3 e 36 meses.

Sinopse

Gloria Mosquera e Diego Maceiras interpretan e ensinan ás familias participantes neste pequeno obradoiro algúns arrolos cos que adormecer, aleitar, e tamén cos que gozar da música nos primeiros días e meses de vida. O obxectivo do grupo Mamá Cabra dende o seu nacemento é o de transmitir o gusto pola música dende a primeira infancia e este obxectivo comeza nas voces das súas familias coas que comparten estas cancións para arrolar en galego.

Ficha artística

Imparte: Gloria Mosquera
Músico acompañante: Diego Maceiras