El Rincón del Chocolate e Casa Patrón, gañadores dos concursos de Artemar

Casa Patrón, na rúa Santa Uxía, e El Rincón del Chocolate, na rúa de Galicia, foron os establecementos gañadores dos concursos celebrados o pasado mes no transcurso da feira artesanal e mariñeira Artemar Ribeira.

El Rincón del Chocolate proclamouse vencedor no concurso de escaparatismo obtendo un total de 95 votos do total dos 400 que se emitiron. Neste certame participaron 24 establecementos.

Por outra banda, Casa Patrón resultou o gañador no concurso de decoración de locais hostaleiros. Obtivo 137 votos dos 372 que se emitiron, nesta categoría participaron 4 locais.

O alcalde de Ribeira Manuel Ruiz, xunto co concelleiro de Comercio Ramón Doval, fixo entrega do galardón a este último establecemento, que foi recollido por Manuel García (por causas de forza maior non foi posible entregalo esta mañá ao outro negocio premiado).