Dispoñíbel no Portal da Lingua un audiovisual sobre as riquezas do noso mar e os seus nomes

23 Setembro 2022

Quen queira mergullarse nas riquezas do noso mar, tanto dende o punto de vista biolóxico como lingüístico, vai ter oportunidade de facelo grazas á contribución de Jaime Beiro Formoso, que vén de subir á Rede un vídeo divulgativo sobre os tesouros marítimos galegos, sobre as especies que habitan o noso mar, sobre os seus fondos e sobre os nomes que uns e outros reciben en galego (que son diferentes e particulares dependendo do treito da costa onde se lles nomee).

Trátase do vídeo Sabes todo o que temos no mar?, realizado ao abeiro do Fondo de Proxectos Culturais en Lingua Galega Xacobeo 2021-2022 (impulsado pola Secretaría Xeral de Política Lingüística).

O audiovisual combina imaxes reais das augas e dos fondos mariños con ilustracións das especies máis representativas. O proxecto contou co asesoramento da divulgadora científica Bibiana García.

Está dispoñíbel no Portal da Lingua (Secretaría Xeral de Política Lingüística) e máis no Youtube.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...