Boiro acolle un obradoiro de fotografía impartido por Deebo Barreiro

A artista galega Deebo Barreiro será a encargada de impartir o obradoiro de fotografía A pel e o mar, que se celebra en Boiro esta semana e o seguinte: o xoves 15 e o xoves 22, en horario de 17.30 a 19.30 horas no Centro Social de Cabo de Cruz. Esta actividade abéirase ao programa de colaboración do Concello de Boiro e La Doce. O curso está orientado a profesionais ou xubilados/as vinculados co mar, a conserva, a batea…
As inscricións poden facerse a través da conta residentes@ladoce.net ou 649 834 412.

Sobre Deebo Barreiro

Naceu nas Palmas de Gran Canaria en 1993, pero con 5 anos mudouse a Vigo. Estudou Belas Artes e o Máster de Investigación e Creación en Arte Contemporánea en Pontevedra. Posteriormente mudouse a Madrid para estudar o Máster de Desenvolvemento de Proxectos da Escola Blank Paper de Fotografía. Expuxo en cidades como Vigo, Madrid, León, Pontevedra, O Porto ou Cuenca. Foi seleccionada en encontros de artistas como EAN7 na Cidade da Cultura, a XIII Xuntanza Obradoiro Internacional de Artes Plásticas A Solaina na Fundación Paco Lareo de Lalín ou Kaldarte 2017 en Caldas de Reis.