Boiro abre o prazo de inscrición para as actividades das Escolas Deportivas municipais para o curso 2022-2023

O Concello de Boiro promove unha nova edición das Escolas Deportivas Municipais para o curso 2022-2023. As inscricións abren este xoves 15 de setembro e deben facerse no Departamento de Deportes, situado na Casa da Cultura de Boiro. A concelleira, Dores Torrado, e o técnico de deportes, Manuel
González, fixeron esta mañá a presentación das actividades.
“O programa das escolas deportivas municipais cumpre 30 anos, o que significa que os gobernos do Concello e os clubs deportivos manteñen ao longo do tempo a aposta polo deporte base”, recoñeceu a concelleira de deportes, Dores Torrado. O Concello de Boiro destina este ano preto de 100.000 euros
para promover as escolas deportivas e o deporte base “iso é algo que se ve reflexado nos grandes éxitos que os clubs deportivos están a lograr en competicións nas distintas modalidades”.
Como cada ano, o programa está composto de actividades para nenos e nenas e actividades para persoas maiores, realizadas mediante a colaboración dos clubs deportivos. O técnico de deportes, Manuel González, recoñeceu que as Escolas Deportivas Municipais non se entenden sen a colaboración dos
clubs locais e a coordinación entre estes e o Concello”.
As inscricións estarán abertas a partir deste xoves día 15 e para formalizar a matrícula en calquera das modalidades que se ofertan as persoas interesadas deben dirixirse ao Departamento de Deportes do Concello de Boiro, situado na Casa da Cultura de Boiro, e aberto en horario de mañá de luns a venres e tamén os luns e xoves polas tardes.
Ximnasia para persoas xubiladas
Barraña 1. luns, mércores, venres (16:00-16:50 h)
Pavillón de Barraña.
Barraña 2. luns, mércores, venres (16:50-17:40 h)
Pavillón de Barraña.
Escarabote. luns, mércores, venres (18:00-18:50h)
Pavillón de Escarabote.
Comezo: 3 de outubro
Inscrición: gratuíta
Bailes de salón
Horario: Martes (16:30-18:00 h).
Lugar: Centro Social de Boiro
Comezo: 6 de outubro.
Inscrición: gratuíta
Proxecto “Boiro actívate”
(Para persoas con patoloxías ou doenzas moi específicas)
Horario: Luns, mércores e venres (11:45-12:45 h)
Lugar: Pavillón da Cachada.
Comezo: 3 de outubro