As posibilidades de que o furacán Danielle afecte a Galicia incrementaronse nas últimas horas. Segundo as últimas estimacións, o roteiro máis probable que siga o furacán levarao ata a costa sur do Reino Unido e ao norte de Francia. Con todo, cada vez está máis presente a posibilidade de que chegue ao norte da Península Ibérica, afectando a Galicia e a todo o tercino norte peninsular.
Actualmente Danielle é un furacán de categoría 1, con refachos de vento que esta mañá alcanzaban o 150 km/h, e que se atopa máis ao norte do habitual debido ás altas temperaturas deste verán. As últimas estimacións realizadas polo Centro Europeo de Predición de Prazo Medio apuntan a que a circulación global da atmosfera absorberá o furacán nas próximas xornadas “para pasar a ser unha pequena e débil borrasca”.
Aínda que a posibilidade de que alcance a costa galega, a pesar de que se incrementou, segue sendo baixa, Danielle provocará moi posiblemente unha situación típica de borrasca. Isto implicará un mal estado da mar, que impedirá realizar con normalidade actividades de navegación ou pesca na costa atlántica.
