“As pesqueiras de augas profundas marcan un antes e un dempois na pesca comunitaria”

27 Setembro 2022

Na hora na que redacto esta crónica, seguramente seguirán reunidos os titulares de Agricultura e Pesca dos Estados membros que conforman a Unión Europea. Non dispoño agora mesmo de información algunha sobre se o Consello de Ministros  abordou a decisión da Comisión de pechar as pesqueiras en máis de 16.000 quilómetros cadrados de augas atlánticas, feito que levaría á ruína a máis de 200 armadores-propietarios de barcos comunitarios con base en Galicia e, directamente ao paro, a polo menos uns tres ou catro mil tripulantes galegos ou residentes na Comunidade Autónoma galega. Pero dou por seguro que o tema será tratado. España así o solicitou e coido alguén respostará. E Francia, Portugal e Irlanda coido asimesmo que non van quedar man sobre man agardando a que o eurocomisario Sinkevicijus solucione, por inspiración divina,  este tremebundo problema.

Este martes teremos as primeiras valoracións. Saberemos, por exemplo, que papel desempeña o Consello de Ministros de Agricultura e Pesca da Unión Europea fronte a unha Comisión que leva a esta como distintivo e o medo como definición. Medo, sobre todo, ao que dirán aqueles que critican á pesca de fondo polo dano que as artes que esta emprega poidan causar en puntos concretos do fondo mariño, pero que non pon reparos aos que, ben seguro, ocasionan a minería submariña e a prospección para determinar as posibilidades de estraer dese fondo mariño gas e petróleo, con ou sen a técnica ou método do fracking que posibilita ou aumenta a estración de gas e petróleo do subsolo, neste caso concreto mariño, en supostos xacementos de hidrocarburos existentes -estou convencido- nas mesmas ou en boa parte parte desas augas que se consideran “sensibles” ás artes de fondo. A diferenza está en que a Comisión de Pesca do eurocomisario Sinkevicjus non puxo no ceo o seu berro mediático para denunciar ás grandes empresas petroleiras como si o fixo no caso dos armadores e mariñeiros que, sendo moitos máis que os empresarios petroleiros, non son nen con moito, tan poderosos coma estes. A máis, unha petroleira sempre terá un despacho para un excomisario, e un armador nen sequera pode asegurar un posto de traballo a bordo dun barco de alguén que, coma un comisario de pesca, carece de cartilla de embarque.

Hoxe, repito, saberemos algo máis. Especialmente se os ministros -en concreto o de España- presentou ou non algunha queixa, reclamación, obxección, etc. no Consello.

Luis Planas, ministro do Goberno de Pedro Sánchez para a agricultura, a pesca e a alimentación, dará conta do tratado no Consello. Oxalá confirme que este quedou enterado do grandísimo malestar xerado nos países pesqueiros comunitarios e, sobre de todo, que España está disposta a levar diante da Xustiza europea unha tal barrabasada para que sexan os tribunais os que lle canten a galiña a quen quece a cadeira dunha Comisión que só pesca catarros comenentes.

Estou convencido de que Galicia deberá falar dun antes e un dempois deste Consello de Ministros  de Agricultura e Pesca da UE.

Outros artigos

“Recado de escribir para Julio Cortazar”. Alberto Barciela

Artículo de inauguración del VII Congreso de Editores Europa América Latina Casa América, Madrid, 18 de marzo de 2024 Estimado Julio Cortázar, admirado maestro, Confío en que en la vastedad del universo, al menos del inmemorial te alcancen estas reflexiones. Si te...

+

“Ata logo Tucho” – Fernando Sarasketa

Tucho díxolle á súa neta: lévame ao Faro de Corrubedo. Creo que foi unha das últimas viaxes ou excursións que fixo, era un home de Ribeira, da súa terra, pero tamén un algo viaxeiro e con interese por coñecer outros lugares. En Corrubedo, era un bonito día de sol,...

+

Publicidade

Revista en papel

Opinión

“Manual del Buen Corrupto”. José Castro López

“Manual del Buen Corrupto”. José Castro López

El primer principio del Manual del Buen Corrupto es la petición que el subordinadohace a su jefe: “No te pido que me des, te pido que me pongas allí donde se reparte eldinero” y ya se encargará él de que ese reparto sea equitativo de acuerdo con la máximael que parte...