Os vindeiros venres 23 e sábado 24 de setembro, a parroquia rianxeira de Araño vai celebrar a segunda edición do seu Ciclo Hórreo Vivo, un evento cultural que busca poñer en valor o patrimonio arquitectónico, ambiental e inmaterial da localidade e da súa contorna. Unha das accións máis destacadas do programa celebrarase na tarde-noite do venres 23, cando se ilumine o Hórreo de Araño (considerado “o hórreo máis grande do mundo”) para, nese entorno, dar acubillo ao espectáculo teatral Quen ten cu, ten medo e escoitar unha contada de lendas por parte da veciñanza.
O sábado 24 pola mañá estará marcado por un roteiro polo río Té para ilustrar a súa fauna e flora, mentres que pola tarde, na carballeira xunto á Capela dos Milagros, haberá obradoiros de regueifa e creación, amais de xogos populares para toda a familia.
Darase peche ó ciclo na noite do sábado 24, no mesmo lugar, cun festival de grupos emerxentes galegos, no que se contara cun punto lila facilitado polo Concello de Rianxo.
Este ciclo, organizado en colaboración entre a Asociación Cultural Carballeira de Baia e a Asociación de Veciños e Veciñas do Araño e a Comunidade de Montes do Araño.
Para este evento cultural, financiado pola Deputación da Coruña, cóntase tamén coa colaboración da Asociación Avoar e do Concello de Rianxo.
