O Concello de Noia está a devolver o esplendor a unhas das moitas xoias patrimoniais do seu centro histórico e doutras contornas: a Praza de Abastos. Segundo puideron constatar veciños e visitantes estes días, o edificio foi recuperando estes días a súa cor orixinal a través dun ambicioso proxecto de transformación que veu cun orzamento de máis de un millón de euros. Os traballos centráronse sobre todo (polo de agora) na fachada lateral inferior e frontal.
O obxectivo do proxecto é achegar ao inmóbel unha imaxe acorde cos novos tempos ao que se reivindica as súas formas e elementos históricos. Quérese devolver á Praza de Abastos, tamén, o seu carácter referencial dentro da actividade económica, social, comercial, turística e comercial de Noia. “Agora rematouse o acondicionamento da fachada lateral interior e da frontal, que recuperaron a súa feitura orixinal de cor branca, e xa se procedeu á desmontaxe do andamio”, informou o rexedor Santiago Freire, quen lembrou que queda pendente a vertente de carpintería e engadiu que a previsión é ter os traballos exteriores rematados ao longo do mes de outubro. Tamén fixo saber que a recuperación do inmóbel acompañarase da habilitación de puntos de luz que realcen as formas da estrutura.
