A Piscina de Noia reabre este luns logo das reformas nos seus equipamentos climatización e ventilación

O Concello de Noia informou de que a Piscina Municipal de Noia vai reabrir as súas portas o vindeiro o luns 5 de setembro, tras finalizar as obras de mellora da climatización da instalación. Obras que consistiron na instalación dun novo sistema de climatización e ventilación da piscina, e máis no reforzo no sistema de extracción do aire, para diminuír a concentración de C02 e mellorar tamén, as condicións de humidade do ambiente.

A actuación ascendeu a 200.000 euros e que foi co-financiada polo Instituto para a Diversificación e Aforro da Enerxía (IDAE) e a Administración local.