A Marea de Noia inicia unha campaña para a inclusión de Noia na Área do Transporte Metropolitano de Santiago

02 Setembro 2022

Dende a Marea de Noia emitiron un manifesto no que a agrupación reivindica a inclusión de Noia na área do transporte metropolitano de Santiago de Compostela. “Somos moitas as persoas que temos que desprazarnos a Santiago con regularidade: para estudar, para traballar, para ir ó hospital, etc…e se temos ou queremos facelo en transporte público ofrécenos un servizo que non mudou en medio século cuns prezos que non paran de subir”, explican dende a agrupación, engadindo que “a inclusión de Noia na área compostelá faría que o prezo pasara dos 3,70€ que custa actualmente a 2,20€ , con posibilidade de descontos do 50% para quen faga polo menos 40 viaxes ó mes”.

Ademais, engaden, “unha vez en Santiago teriamos unha hora para coller gratis calquera urbano e movernos pola cidade”.

Segundo opinan, “se queremos empregar o autobús para ir a traballar ou a estudar, non podemos tardar unha hora en chegar tendo novas vías de comunicación coa capital que practicamente non se están a empregar”.

A Marea de Noia considera que a inclusión na área metropolitana faría que aumentaran os buses directos polo corredor: “Sería máis rápido e doado ir ao traballo, ao instituto ou á universidade, por iso esiximos tamén buses directos ás 7:50 para ir e as 14:50 e 20:00 para volver”.

Este xoves membros da Asemblea da Mocidade da Marea de Noia participaron nun reparto para informar a cidadanía desta posibilidade. Logo o concelleiro Manolo Seijas, a deputada de En Marea, Paula Quinteiro e o voceiro da asemblea de mocidade Iván Rodríguez atenderon aos medios de comunicación. O voceiro da Marea destacou que “é moi importante para Noia esta inclusión, unha boa conexión de transporte público con Santiago de Compostela é fundamental, pois dependemos administrativamente, de xeito sanitario e de educación”.

Pola súa banda, a deputada Paula Quinteiro asegurou que “trasladaremos esta proposta ao Parlamento Galego para instar á Consellería de Educación a que axilice este proceso, que se traduce nunha mellora no transporte público”.

Iván Rodríguez, salientou que “para a mocidade que non dispoñemos de vehículo privado é clave que se reduza o tempo e o prezo das viaxes”.

A campaña que se desenvolverá ao longo desta semana pretende demostrar que “hai un necesidade real desta inclusión e que se axilice a incorporación de Noia e comarca na Área do Transporte Metropolitano, tal e como se aprobou en practicamente en todos os Concellos”, indican.

Outros artigos

Comeza a conta atrás para a décima edición de Os 100 do Barbanza

O percorrido da presente edición Esta fin de semana, o sábado 21 e o domingo 22 de xuño celebrarase a nova edición (a décima) da xa histórica proba Os 100 do Barbanza, a andaina-ultratrail de 100 quilómetros que percorre os sete concellos da península do Barbanza. A...

+

Publicidade

Revista en papel

Opinión

“Premios Lois Peña Novo” – Xosé González Martínez

“Premios Lois Peña Novo” – Xosé González Martínez

Este ano as asociacións integrantes do Colectivo Galeguizar Galicia están a desenvolver moitas iniciativas novidosas para incentivaren o uso da lingua galega en todos os eidos nos que están presentes. Por poñermos un exemplo, a Irmandade Xurídica Galega, que celebrou...

“La historia de Fuente Seca” – Manuel Domínguez

Dejadme contar la historia de Fuente Seca . La pequeña aldea se estaba muriendo de soledad y abandono. El parque solitario, el silencio de la mañana y la tarde, tanto era así que hasta el rio no cantaba. La escuela cerrada, como cerrada la alegría de los viejos del...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.