Este xoves 29 de setembro a Confraría de Pescadores San Bartolomé de Noia vai presentar o proxecto Econoia 3 (2022-2023), unha iniciativa para a protección e recuperación da biodiversidade e dos ecosistemas mariños abeirado ao Plan Marlimpo da Consellería do Mar. O proxecto, cuxos detalles daranse a coñecer a partir das 10:00 horas na Sociedade Liceo de Noia, conta nesta nova edición (a 3ª) coa participación de 256 mariscadoras/es a pé da confraría noiesa, que traballarán en diversas actividades de limpeza, mobilización e divulgación a prol da protección do noso litoral. Por certo que a primeira limpeza desta nova convocatoria realizarase o vindeiro venres, 30 no litoral de Outes.
Programa da xornada de presentación de Econoia3
-10:00 h. Recepciòn de autoridades.
-10:05 h. Benvida e presentación: Liliana Solis Pais. Supervisora proxecto Econoia
-10:10 h. Proxección vídeo resumo accións Econoia
-10:30 h. Intervencións institucións públicas colaboradoras:
-Concello de Muros
-Concello de Porto do Son
-Concello de Outes
-Concello de Noia
-Confraría de Portosín
-Confraría de Noia
-Consellería do Mar (Peche acto presentación)
Charla formativa (dirixida sobre todo a mariscadoras/es participantes no proxecto, pero aberta a todos os asistentes)
-11:00 h. Valores naturais dos bancos marisqueiros na zona de especial conservación da Rede Natura 2000”-Francisco Arcos e Rafael Salvadores. Biólogos expertos en conservación. ARCEA S.L.
-12:15 h. Pinchos e petiscos na cafetería do Liceo.
