Uxía Lambona e a Banda Molona estarán este xoves 11 no Cantón da Leña da Pobra

A agrupación galega Uxía Lambona e Banda Molona, experta dar unha viraxe moderna e desenfadada a temas tradicionais galegos, estará na Pobra este 11 de agosto para brindar un concerto á rapazada e ás familias. Será ás 20.30 h no Cantón da Leña, presentando o espectáculo Astronauta sideral. En caso de chuvia, o concerto celebrarase no Cine Teatro Elma.

Uxía Lambona e a Banda Molona é unha banda musical infantil que nace no ano 2014 e está formada por Pali, co baixo; Ñoc, coa batería; Diego, coa gaita e coa frauta; Serghaño, coa guitarra; Roscón, co acordeón; e Laura, “Uxía Lambona”, cantando e animando!  Ten o obxectivo de facer cantar e bailar aos nenos e nenas que acudan aos seus concertos, achegándolles a música tradicional galega dun xeito atractivo para elas e para eles, cambiando estilos musicais, letras… e temas propios, sempre en galego. Hoxe en día  teñen tres CD publicados.

Organiza: Concellaría da Cultura da Pobra do Caramiñal  en colaboración coa Rede Cultural da Deputación da Coruña