O 112 Galicia recibiu a chamada dun particular, ás 2:25 horas desta madrugada, informando dunha intensa fumareda no interior da súa vivenda a causa dun incendio que se orixinara na súa cociña na Avenida de Barraña, en Boiro.
A emerxencia foi posta en coñecemento dos Bombeiros de Boiro, da Policía Local e do Servizo Municipal de Protección Civil. O lume orixinouse no aparello eléctrico do frigorífico e o fume ocupou rapidamente o domicilio afectado e algúns corredores do edificio.
Unha vez finalizada a intervención por parte dos equipos de extinción, os ocupantes da vivenda solicitaron unha consulta médica por inhalación de fume con Urxencias Sanitarias de Galicia-061.Finalmente, non houbo persoas trasladadas e os danos materiais limitáronse á cociña.
