Teatro ao Cubo representa Ghop! este martes 9 na Boliña (Boiro)

Boiro vai acoller esta semana un novo espectáculo á medida da rapazada. Estamos a falar de Ghop!, unha función de maxia, teatro e circo que vén da man de Teatro ao Cubo para o desfrute do público infantil e familiar. Comezará ás 21.00 horas no lugar de A Boliña, na vila de Boiro.

Sinose

Ghop! é un espectáculo de rúa áxil, participativo e cheo de humor. Os tres protagonistas vestidos e caracterizados para a ocasión, aderezan con malabares, monicreques, acrobacias e pinceladas de maxia, o show de variedades que esta compañía itinerante ofrece a un público desexoso de divertirse e participar. Teatro ao Cubo sae á rúa e completa o seu repertorio teatral para toda a familia.

Ficha artística

Elenco: Sofía Espiñeira, Noel Fandiño e Roberto Casal
Dirección: Alfredo P. Muíño
Produción: Teatro ó Cubo