O VIII Torneo de Golf CONGALSA consolidase na axenda deportiva da comarca

O VIII Torneo de Golf CONGALSA, celebrou ao longo desta fin de semana a súa VIII edición e un ano
máis, do mesmo xeito que sucedera nas edicións anteriores, superou a cifra de 110 participantes, “un elevado nivel de participación que demostra a consolidación do certame na axenda deportiva estival da comarca”, tal e como destaca Isabel Cañas, directora de Relacións Externas da firma pobrense.
José Carlos Pena, con 38 puntos, proclamouse campión absoluto do torneo e Luís Cespón foi suBcampIón. O mellor hándicap foi para José Rivera, con 41 puntos netos, e o subcampión de hándicap, con 39 puntos netos, foi Francisco Acuña. Por outra banda, Manuel Nieto proclamouse campión sénior, con 40 puntos netos, e en María José Balayo recaeu o premio á campiona feminina, con 38 puntos netos. Finalmente, o campión junior, con 38 puntos netos, foi Simón Gómez.
Entrega de premios
A directora de RREE de CONGALSA, presente na entrega de premios do torneo xunto ao xerente de Barbanza Golf, referiuse ao certame como un dos fitos deportivos “máis relevantes” de cuantos patrocina a compañía alimentaria da nosa comarca ao longo do ano.