O V Torneo de Pádel Cidade de Ribeira repartirá máis de 3.000 euros en premios

O Centro de Raqueta de Coroso vai dar acubillo en agosto á quinta edición do Torneo de Padel de Ribeira , o torneo Nácar by Sara Sevilla, un certame deportivo que foi presentado este mediodía pola presidenta do Club Pádel Ribeira, Chus Abelleira, xunto coa tenente de alcalde María Sampedro e o concelleiro de Deportes Javier Sampedro. Celebrarase entre o 12 e o 28 de agosto.

Segundo fixeron saber, o certame contará con cinco categorías: masculina absoluta, feminina absoluta, segunda categoría masculina, terceira categoría masculina e categoría mixta. A xornada das finais será retransmitida por streaming.

Na última edición celebrada antes da pandemia, a competición reuniu a máis de 100 parellas e María Sampedro expresou o seu desexo de “poder alcanzar esta cifra” e incluso achegarse ás 150. O torneo repartirá máis de 3.000 euros en premios en metálico, ademais de lotes de produtos de conservas e material deportivo.

Os interesados en participar poden facelo na páxina web mistorneosonline.es (tamén poden contactar coa organización a través do número 670773993). O prezo da inscrición é de 18 euros por xogador (12 para os socios dou club e 10 para segunda ou terceira inscrición) e hai de prazo ata o próximo 8 de agosto.

Tanto a organización como os representantes do Concello agradeceron a colaboración dos patrocinadores.