O Museo Municipal de Ribeira acubilla até o 25 de setembro unha mostra de artesanía das Amas de Casa

A Sala Museo Municipal de Ribeira alberga no seu segundo andar unha mostra de talleres artesanais e culturais a iniciativa da Asociación de Amas de Casa de Ribeira. Na noite deste xoves 26 de agosto celebrouse a súa inauguración. Participaron a presidenta da entidade, Puri Cores, e da concelleira de Cultura María Sampedro.

A exposición, enmarcada no segundo Certame Cultural Aires de Dorna, pretende ser un reflexo das creacións das súas socias no afán de conservar as tradicións e traballar labores de costura como os bolillos, as vainicas, o bordado, etcétera, ademais de exhibir fotografías do proceso de aprendizaxe por medio dos obradoiros de Amas de Casa.

Puri Cores amosouse satisfeita polo traballo realizado polas socias ao longo do ano, que evidencia que cada vez vai a máis esta iniciativa. María Sampedro felicitou ás integrantes da asociación por apostar polo artesán e preservar e poñer en valor uns coñecementos que non se deben perder.

A mostra permanecerá ata o 25 de setembro.