O espectáculo Comediantes no camiño chega este domingo a Dodro

O domingo 28 de agosto, Pontecesures, Dodro e Portas, tres concellos polos que transcorre o Camiño Portugués, acollerán a estrea de Comediantes no camiño, un espectáculo de rúa da compañía Inventi Teatro financiado polo programa O Teu Xacobeo da Xunta de Galicia.

Os protagonistas da obra de teatro son dous divertidos peregrinos de principios do século XX que percorren a ruta xacobea nun antigo autocar de época. A partir dunha posta en escena baseada no clown, o circo, o teatro xestual e a participación do público, a peza pon en valor o patrimonio arquitectónico, cultural e natural do percorrido portugués así como a tradición e a cultura galega.

Camiñantes no camiño está dirixida a todos os públicos e representarase o domingo, 28 de agosto, nos seguintes lugares:

  • ás 13:30 horas na Praza do Concello de Pontecesures
  • ás 17:30 horas no Albergue de Briallos de Portas
  • ás 21 horas no Souto de Manselle no Concello de Dodro