Este xoves 11 de agosto Esquerda Unida Boiro organizará un faladoiro para informar e debater sobre os problemas que sofren as persoas migrantes na fronteira sur de Europa. No acto participará Rafael Lara, activista da Asociación pro Derechos Humanos de Andalucía, Oscar Palleiro, bombeiro e rescatador con ampla experiencia nas costas do Mediterráneo e do Atlántico e Fadile Tibisay Chami, activista e refuxiada siria.
A organización de esquerdas pretende achegar a grave situación que viven as persoas migrantes que tentan chegar ao continente europeo, mediante a testemuña de activistas que coñecen de primeira man os problemas das persoas migrantes.
O acto terá lugar este xoves 11 de agosto no salón de actos do Centro social de Boiro a partir das 19:15h.
