A Sección Sexta da Audiencia Provincial da Coruña condenou a tres meses de cárcere, como responsable dun delito de atentado, a un mariscador furtivo que foi interceptado por dous axentes da Policía Autonómica nunha praia de Boiro en 2014 e que intimidou a un deles cun pico. Con todo, o tribunal absolveuno dos ilícitos de ameazas e lesións dos que tamén estaba acusado.
Tal e como recolle a relación de feitos probados da sentenza, con data de este luns 1 de agosto, os dous axentes da Policía Adscrita chegaron na mañá do 4 de marzo de 2014 ao areal cando estaban en servizo.
O mariscador, que durante o xuízo recoñeceu que se atopaba recollendo ameixa “ilicitamente” e que nese momento portaba o pico de ferro, alegou que o axente prexudicado ameazáralle con “pegarlle un tiro” e que lle habían agredido, pero a Audiencia estima que a súa versión non é verosímil.
O home é considerado responsable dun delito de atentado, pero queda absolto do de ameazas e lesións
