Collen corpo as obras para dotar de comedor o Colexio da Barquiña

O Concello de Noia informou do desenvolvemento dos traballos para a construción do novo comedor escolar do Colexio Alexandre Rodríguez Cadarso, situado na Barquiña. Trátrase dunha obra froito da colaboración entre a Consellería de Educación e o Concello de Noia, cun investimento de preto de 80.000€, que vai a permitir ofrecer, xa no vindeiro curso, o servizo de comedor aos alumnos deste centro, segundo destacou o Concello.

O proxecto foi presentado o pasado mes de maio polo alcalde de Noia, Santiago Freire Abeijón, a concelleira de Economía e Facenda, Laura Salgado, e o xefe territorial de Educación, Indalecio Cabana.