Portosín vai rematar agosto en clave de festa. Este venres 27 e este 28 celébranse as Festas do Carmen de Portosín e todo indica a que será unha oportunidade de ouro para despedir o mes de vacacións por excelencia dende a nosa comarca. Os pratos fortes do cartel (musicalmente falando) serán o Dúo Charada, a Chocolate Discomovil, a Banda de Caamaño, o grupo de música popular iberoamericana A Misela e máis a Orquestra América.
Tamén haberá actividades para a rapazada, con inchábeis e festa da escuma o sábado pola tarde. Sen dúbida un dos puntos destacados será a procesión marítima do sábado (ás 18.00), acompañada da Banda de Música de Caamaño. Organiza a Confraría de Pescadores San Andrés de Portosín
