O Concello de Boiro saca a licitación, por un importe de 185.709,75 euros o Proxecto para a execución de beirarrúas e servizos (beira este) no lugar da Pedra da Bouza. As actuacións vanse financiar mediante o Plan Único Concellos (POS+2022) da Deputación da Coruña.
As actuacións que se pretenden levar a cabo con este proxecto son a execución dunha beirarrúa no lugar de A Pedra da Bouza, na parroquia de Abanqueiro, seguindo o trazado das estradas existentes.
A finalidade desta actuación é dotar de seguridade viaria aos peóns que circulan entre o núcleo da aldea de A Pedra da Bouza e a estrada de Boiro a Abanqueiro, que discorre pola vía Saltiño-Boiro e continuidade da estrada da Aldea de Graso. A solución adoptada pretende xerar unha beirarrúa peonil de 1,8 metros de ancho e a instalación de condutos para a recollida de pluviais e canalizacións de auga.
O Proxecto que está publicado na Plataforma de Contratación do Sector Público para a presentación de ofertas para a súa licitación ata o 14 de setembro, ascende a un importe de 185.709,75 euros e forma parte dos proxectos que o Concello de Boiro executa con cargo ao POS+2022 da Deputación da Coruña.
