A Sala Carballeira do centro de recursos da Asociación Ambar das Persoas con Diversidade Funcional, foi este venres 5 de agosto o escenario da entrega de diplomas da Fundación ONCE. Nesta xornada encabezada Adriana Rego, consultora da ETT para persoas con diversidade Cycle, estiveron representando a Ambar: Milagros Rey, presidenta de Ambar; Daniel Tojo, orientador laboral; e Helena Teira, coordinadora xeral da entidade. Tamén asistiu, en representación do Concello de Ribeira, Ana Barreiro, concelleira de Servizos Sociais.
Asistiron 18 persoas participantes nas formacións. 9 participantes na formación sobre
actividades auxiliares na industria alimentaria, e 9 participantes na formación de comercio.
Esta formación é posíbel grazas ao financiamento da Fundación ONCE, nos programas Uno a Uno do POEJ e POISES convocatoria 2021-2022 e o Fondo Social Europeo. E ten como obxectivo
promover a sostibilidade e a calidade no emprego, favorecer a mobilidade laboral, así como reforzar a empregabilidade e as competencias profesionais das persoas novas e non integradas nos sistemas de educación ou formación.
Daniel Tojo fixo foi o encargado de facer a presentación do acto. Deu paso á entrega de diplomas. As encargadas de entregar os diplomas ás persoas participantes foron Ana Barreiro e Milagros Rey.
Ao rematar a entrega, continuou Adriana Rego, quen fixo unha exposición sobre aquelas aptitudes que buscan no persoal candidato para as diferentes ofertas que xestionan. O acto rematou cunha rolda de preguntas nas que Adriana resolveu aos asistentes todas as
súas dúbidas sobre orientación no mundo laboral.
