O Concello de Boiro colabora coa V edición da Travesía a Nado Illa da Bensa que organiza o Club de Natación Boiro e se vai celebrar o vindeiro sábado 20 de agosto na praia de Carragueiros. Na presentación, que se celebrou esta mañá, estiveron a concelleira de Deportes, Dores Torrado; o
director técnico do club, Carlos Brión; a directora de relacións institucionais de JEALSA, Margarita Hermo; e a directora da clínica dental Rebeca Ozores, O director tépnico do club explicou en que consiste e proba, que contará con tres percorridos: ás 11.00 horas será a proba de 3.500 metros, ás 11.05 horas a de 1.000 metros e ás 12.30 horas a de 200 metros. “Hai previsión de marea a alta e bo tempo polo que se agardan unhas boas condicións para o desenvolvemento da proba”, afirmou Carlos Brión.
Ata o de agora hai 132 participantes pero as inscricións están abertas ata este xoves ás 23.59 horas e poden facerse en www.galitiming.com . A directora de relacións institucionais de JEALSA eloxiou o traballo do club “pola súa promoción do deporte e da nación dos nenos e nenas, algo polo que apostamos” e afirmou que esta é unha proba para “desfrutar dun día de natación nun ambiente idílico”.
O Concello de Boiro colabora con esta nova edición da Travesía a Nado Illa da Bensa como aposta pola promoción do deporte base e tamén dos deportes náuticos no noso municipio. A concelleira de deportes, Dores Torrado, animou a club a seguir nesta liña e recoñeceu a importancia do “traballo conxunto ente as direccións dos clubs, as administracións públicas e as empresas privadas para que se sigan a desenvolver probas como esta e que o deporte no noso Concello siga medrando e acadando éxitos”.
