Hai datas moi sinaladas no calendario que nos levan a compartir momentos moi especiais coa familia, coas persoas máis achegadas e coas que compartimos amizade. Hai outras nas que a celebración identifica a moitas máis persoas e, incluso, a todo un pobo. A celebración da festa da Virxe do Carmen nunha parroquia como Santa Uxía de Riveira, identifica a todas as persoas que ternos a sorte de vivir aquí, porque todos ternos algún tipo de vínculo co mar e os mariñeiros, sexa directa ou indirectamente.
O verán deste ano 2022 vén cargado de esperanza e alegría. Despois de dous anos de pandemia, de restriccións, máscaras, distancias e outras condicións, ábrese por fin un tempo novo, coa esperanza de vivir con máis liberdade e menos medo a relación e o contacto entre as persoas, de poder viaxar e de xuntarnos de novo coa familia e amigos que viven lonxe, de encher a mesa sen ter que contar cantos somos, de saír e facer festa.
Celebrar o Carmen é poñer xuntos no calendario unha data que nos obrigue a parar un anaco, a tomar un respiro e esquecernos das presas, xuntarnos coa familia e os amigos para agradecer, compartir e coller folgos para seguir camiñando. Uns días nos que nos sentimos unha familia grande que se reúne, que celebra, reza e baila, que se senta para xantar cos máis achegados, cos que por razóns de traballo e da vida non podemos facelo a miúdo.
Celebremos a festa do Carmen e démoslle grazas a Deus pala vida, a familia, a parroquia, o mar, os recursos. Que a Virxe nos acompañe a todos, moi especialmente aos enfermos, ás persoas maiores e ás que están en situación de vulnerabilidade. Que atope en nós xenerosidade e compromiso na búsqueda dun mundo máis xusto e mellor.
A experiencia destes dous últimos anos tennos que ensinar a darlle valor ao máis importante, comezando pala propia vida. Ensinar a coidarnos e preocuparnos dos demáis, de cada persoa, desde o comezo ata o final da vida, a vivir aproveitando cada instante, a procurar harmonía, felicidade, respecto e agarimo entre todas as persoas. Quedou moi claro que a calidade de vida non depende só da nasa situación económica nin do naso ben estar, tantas veces egoísta. A volta á normalidade é realmente penosa se non ten en canta as experiencias vividas, que necesariamente nos teñen que facer medrar e madurar.
E finalmente, que importante é ter boa memoria! Unha memoria agradecida a cantos neste tempo deixaron un valeiro Nas Nasas casas e familias. Non esquecemos aos nosos defuntos e, de modo singular, aos que faleceron nalgún naufraxio. Este ano vivimos moi de cerca dous acontecementos: o naufraxio do Vila de Pitanxo e a morte de dous mariñeiros nas islas Seychelles. A celebración da Eucaristía no día do
Carmen recolle toda a nosa historia e a nasa relación co Mar, e énchea de vida e esperanza. A procesión maritima e a coroa de frores son toda unha homenaxe á Virxe, aos mariñeiros e ás súas familias e manteñen viva a presenza e recordo dos defuntos. Felices festas do Carmen
Alfonso Mera Nogueiras, Párroco