ZdZ incluirá un documental sobre Miro Casabella e a súa longa e frutífera relación coa zanfona

07 Xullo 2022

Estes días de xullo vaise celebrar en Rianxo un dos grandes eventos culturais da tempada no norte peninsular: o XVII Encontro Internacional Zona da Zanfona, a nova edición do festival impulsado dende aCentral Folque e o Concello co obxectivo de reivindicar este histórico instrumento e de achegar un punto de encontro (único no territorio peninsular polas súas características), arredor de mesmo. A cita, pola que teñen pasado os representantes máis destacados escena europea relacionada coa zanfona nas últimas décadas, desenvólvese os días 8, 9, 10 de xullo 2022. Entre os puntos máis destacados do programa podemos atopar a proxección dun documental sobre un destes grandes reivindicadores do instrumento: Miro Casabella. Falamos do audiovisual Arredor da roda. De Cántigas da Terra a Miro Casabella, un traballo dirixido e escrito polo cabanés Federico Alejandro Rioboo Fondo, que quixo homenaxear con este traballo ao músico e docente universitario que dá nome ao documental e máis á amizade que mantivo durante décadas co pai do director, Manuel Rioboo, os dous unidos polo amor á música e á zanfona.

O festival da revolución silenciosa

Segundo explican dende a organización, Zona da Zanfona é o festival “da manivela musical, da revolución silenciosa e mecánica do arco infinito”. Esta edición terá unha programación especial con algunha novidade mantendo, iso si, o espírito que combina as actividade para o público xeral e a atención ao especializado de outros lugares que se acheguen até a ría de Arousa. Haberá concertos, cursos e un convivio arredor da zanfona.

Concertos

-Venres 8 xullo. Auditorio. 21.00h

Coro Cántigas da Terra (Coruña) co espectáculo Arredor da roda. Cos convidados Iván Abal, Gutier Álvarez, Luís “O Caruncho”, Miro Casabella e Óscar Fernández

-Sábado 9 xullo. Praza Rafael Dieste. 22.00

Pedro Viana & João Martins (Porto) e Francesco Giusta (Torino)

-Domingo 10 xullo

Palco Aberto ZdZ. Xuntanza de escolas de zanfona de Galiza. Praza Rafael Dieste. 12.00h

Lotaría ZdZ. Sorteo dunha zanfona. Praza Rafael Dieste. 13.00h

Estrea de Arredor da roda. De Cántigas da Terra a Miro Casabella. Filme documental. Auditorio. 19.30 h

Cursos ZdZ, no Auditorio de Rianxo

Iniciación. Óscar Fernández (Galiza) Venres 8. de 16 a 20h (empréstanse instrumentos)

Intermedio. Gorka Bravo (Euskadi) Venres 8. de 16 a 20h

Avanzado. Francesco Giusta (Piemonte) Sábado 9. de 10-19h

Construción. Suso Gestal e Ariel Ninas (Galiza) Sábado 2 e domingo 3. de 10-20h

Baile. Mercedes Prieto (Galiza). Sábado 9. de 16 a 20h

Outros artigos

Adiado en Rianxo até o 17 de maio o acto de homenaxe a Rosalía

A Área de Cultura do Concello de Rianxo confirmou hoxe que por mor das condicións climáticas adversas previstas para este venres 23 de febreiro, o acto en lembranza de Rosalía de Castro que estaba previsto para a dita xornada na praza de Padrón (no paseo da Ribeira a...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...