A Carreira pola Diversidade que promove a Asociación Ambar celebrará este domingo 10 a súa oitava edición dentro dos actos conmemorativos do 40º aniversario desta entidade que loita pola inclusión das persoas con diversidade funcional.
O evento foi presentado no consistorio local nun acto que contou coa participación da primeira tenente de alcalde, María Sampedro; o concelleiro de Deportes, Javier Sampedro; e a presidenta de Ambar,
Milagros Rey; así como de Joserra Figueira e Maricarmen González, tamén de Ambar, que ofreceron detalles da actividade; e de Moncho Vidal, que correrá na mesma.
A carreira dará comezo ás 10 da mañá na explanada de Coroso e contará con catro modalidades (zapatilla, zapatilla inclusiva, handbike e cadeira de rodas) ademais dunha ‘andaina libre’ que se poderá
completar entre o 4 e o 10 de xullo. Haberá ademais probas infantís para rapaces e rapazas de 5 a 16 anos que se sucederán unha vez remate a proba absoluta. Esta última transitará polas Carolinas e
Malecón ata chegar ata preto das letras de Ribeira e volta cara Coroso.
O prezo por participar é de 6 euros e as inscricións están abertas ata mañá xoves 7 de xullo, habéndoas que formalizar na web cronotec.es. Tamén existe a posibilidade de colaborar cunha cota dolidaria a través dun Dorsal 0.
No nome do Concello María Sampedro animou á xente a participar no ánimo de superar os 200 participantes que cada ano adoita congregar esta cita, un desexo ao que se sumou tamén a presidenta da
entidade, Milagros Rey.
