Os operarios do Plan de Emprego Local (PEL) da Deputación, xunto cos propios operarios do Concello de Dodro, están a facer labores de roza nas aldeas do termo municipal. Fano, segundo indican fontes do Consistorio, seguindo o plan de traballo establecido polo concelleiro de Obras, Ramón Abuín, para “acadar a limpeza de todos os núcleos de Dodro no menor tempo posíbel”.
O Concello explicou que ao abeiro desta liña de traballo xa foron rozadas as aldeas de Bustelo, Teaio, Traxeito, Revixós e Dodriño, entre outras. Este mércores 6 de xullo os operarios estaban a poñer o foco nos interiores de Bexo. Así mesmo o tractor xa limpou as cunetas da estrada de Imo a Teaio, as pistas da veiga de Bexo ate Imo, arredores de Eiró, e a estrada de Bustelo entre outras.
