Manuel Ruiz Rivas proclamado Presidente do Partido Popular de Ribeira coa meta de recuperala maioría absoluta no Goberno local

14 Xullo 2022

Manuel Ruiz Rivas acaba de ser proclamado Presidente do Partido Popular de Ribeira cun 99% dos votos depositados nas urnas no Congreso Extraordinario que se celebrou nas instalacións do Liceo Marítimo
de Ribeira.
Logo da súa proclamación, Ruiz Rivas tomou a palabra para dar as grazas: “cando un chega a onde eu cheguei, que a maior ilusión que tiven na vida, ao final o que lle queda é o agradecemento a
todos os que o fixeron posible, e sobre todo ao partido”.
Así mesmo, manifestou antes de ceder o testigo marcouse tres metas, unha das cales dá por conseguida co resultado de hoxe: deixar un partido unido. “Hoxe este partido está unido, o partido somos os que estamos aquí, este é o Partido Popular, o de Manuel Fraga, Núñez Feijóo ou Alfonso Rueda: os que están fóra teñen outras siglas”, declarou.
E sobre a base desa unión avanzou o seu segundo obxectivo: deixar o goberno como el o colleu, con maioría absoluta, pois “este pobo estase parando en multitude de cuestións porque a outros non
lle convén que se sigan facendo obras e cambiando Ribeira”.
Proxectos en marcha
Ao fío desta afirmación, Ruiz Rivas sinalou como terceira aspiración ver cumpridos como alcalde todos os proxectos que están en marcha, “que non é pouco”, e citou entre moitas outras a ampliación do hospital, o novo centro de saúde, a variante, o polígono industrial ou a residencia de terceira idade. Recordou outras que xa se poden conseguir como a nova comisaría, o Punto de Encontro Familiar ou a ampliación de Urxencias.

A continuación tomaron a palabra Fabiola García, a secretaria xeral do PP de Galicia Paula Prado del Río e o presidente do PP Provincial Diego Calvo Pouso.

Calvo apela á “unidade” para que o PP de Ribeira logre a maioría absoluta e siga sendo un referente da política municipal 

“É o momento de sumar para gañar. O momento de unirnos en torno o proxecto do noso querido Manolo Ruiz Rivas para lograr a maioría absoluta que se necesita para gobernar o Concello de Ribeira”. Así de claro e de contundente mostrouse hoxe o presidente provincial do Partido Popular, Diego Calvo, na súa intervención durante o congreso local dos populares, no que Manuel Ruiz Rivas foi elixido como presidente do PP de Ribeira co apoio do 100% dos votos.
Acompañado pola secretaria xeral do PPdeG, Paula Prado, polo secretario xeral dos populares na provincia da Coruña, Evaristo Ben, e pola vicesecretaria territorial, Fabiola García, Calvo tivo palabras de
agradecemento para a Ruiz Rivas polo seu traballo á fronte do consistorio da comarca de O Barbanza, á vez que se referiu ao rexedor como “un referente” a nivel político e persoal durante moitos anos.
Ao longo da súa intervención, o presidente provincial fixo un repaso de todo o vivido durante os últimos anos pola súa formación no Concello de Ribeira.
“Chegar ata aquí non foi fácil, ter un goberno tantos anos foi complicado e todos sabemos que vivimos mellores e peores momentos”, afirmou o popular, quen apuntou que agora é o momento de
dar o último empuxón para alcanzar a maioría absoluta nas eleccións municipais do próximo ano.
Neste sentido, Calvo asegurou que agora veñen meses duros e de moito traballo nos que, apuntou, será “fundamental” unir a toda a familia do Partido Popular ao redor dun proxecto, o de Ruiz Rivas, que demostrou, dixo, ser serio, rigoroso, gañador e coherente. “As portas da nosa formación están sempre abertas para todas as persoas que queiran sumar e que queiran traballar por Ribeira. Aquí ninguén sobra, ao contrario, somos todos moi necesarios”, subliñou.
Lonxe de quedar aquí, o líder dos populares na provincia non dubidou á hora de asegurar que a súa formación é “case invencible cando se pon a traballar unida”, e recalco a “importancia” de non permitir que outras forzas minoritarias tiren abaixo o sentir maioritario dos veciños de Ribeira.
O bo momento do PP Calvo tamén tivo tempo para facer balance da situación que vive agora a
súa formación a nivel autonómico e nacional. Sobre este punto, o presidente provincial resaltou o bo momento que atravesa o PP desde a chegada de Alberto Núñez Feijoo á presidencia nacional. “Hoxe a xente venos como unha opción seria de goberno. E non só en Galicia, tamén en Andalucía, en Estado e tamén aquí en Ribeira”, afirmou.

Para o popular, este feito ten que servir como o impulso definitivo para que Ruiz Rivas logre a maioría absoluta. “Si damos a imaxe de partido serio, con propostas, con unidade e co aval do feito ata o de agora, non teñades dúbidas de que en maio do 2023 celebraremos esa maioría aquí en Ribeira”, concluíu Calvo.

Outros artigos

Comezaron en Ribeira as obras de mellora do parque Pedra Pateira

O Concello de Ribeira informou de que xa comezaron este mes de marzo as obras para poñer a punto o parque infantil de Pedra Pateira, no barrio de Bandourrío (Santa Uxía). A actuación contempla unha liña de pluviais para evitar a acumulación de auga superficial, novos...

+

Publicidade

Revista en papel

Opinión

“Rodar e rodar”. Carlos Moledo

“Rodar e rodar”. Carlos Moledo

Recordarán los lectores que hace apenas quince días Galicia estaba inmersa en unacaloradísimo debate socio-político planteado por múltiples formaciones políticas, algunas yacasi extintas a día de hoy, al menos hasta dentro de cuatro años. Dichos partidos políticos,...