O vindeiro sábado 9 de xullo celebrarase na Sala Arcos Moldes do Auditorio do Concello de Rianxo a presentación do libro Rianxo, terra de músicos de Xosé Comoxo e Xesús Santos. Será a partir das 12.00 horas.
No acto amais dos autores estarán presentes José Luís do Pico Orjais e o alcalde Adolfo Muíños. A vertente musical correrá a carto da Escola de Música de Rianxo.
Neste libro, Xosé Comoxo e Xesús Santos reivindican a vida e a obra de 274 músicos do concello, integrantes de diferentes bandas e orquestras formadas ao longo das pasadas décadas. A investigación levoulles cinco anos de traballo. O resultado é un exhaustivo traballo de 500 páxinas que nos achega, de xeito pormenorizado, aos nomes que dende o plano musical tamén contribuíron á sona do concello.
