Este luns 11 de xullo a celebración en honra de San Benito regresa a Seráns, na parroquia sonense de San Pedro de Muro. Os fieis contarán con ata nove misas, a primeira ás 8.00 horas e a última ás 19.30, estando fixada a solemne, que incluirá procesión, para as 13.00.
Tamén este este luns 11 de xullo celebrase a nova edición da peregrinaxe dende O Son até San Benito de Seráns.
O Concello de Porto do Son, ao abeiro do programa O Son Camiña (circuíto de rutas municipal, edición 2022), organizou para o vindeiro 11 de xullo unha nova convocatoria da tradicional peregrinación dende a vila sonense até a capela de San Benito de Seráns. A saída (dende a fachada marítima da vila) será ás 8,30 horas. Non se precisa inscrición para participar. A ruta realizarase de xeito cen por cen libre (é un roteiro non marcado).
