En Ribeira o Concello e o Colexio de Artes impulsan a instalación de contedores-nasas para liberar as praias de plásticos

01 Xullo 2022

Os operarios do Concello de Ribeira están a instalar en tres concorridos e referenciais areais do termo municipal, na Ladeira, no Castro e en Coroso, outros tantos recipientes de gran tamaño para que residentes e visitantes depositen neles os refugallos atopados nas praias. Esta iniciativa de gran importancia ambiental e sensibilizadora ten a súa orixe nunha acción colaborativa do Concello co Colexio de Artes. Os recipientes teñen feitura de nasas de aceiro inoxidábel.

As estruturas teñen unhas dimensións de dous metros de longo e un metro de diámetro. De momento xa se instalaron na praia da Ladeira (Corrubedo) e na de Castro (Castiñeiras) en tanto que o vindeiro luns está previsto colocar unha terceira na praia ribeirense de Coroso.

Esta acción, que recibiu a colaboración da Concellería de Educación que dirixe Juana Brión, incardínase na campaña iniciada o ano pasado polo centro educativo de Artes baixo o título O ecosistema mariño precisa da túa axuda para concienciar á poboación sobre a importancia de coidar o noso medio ambiente e que incluíu no pasado verán a colocación dunha serie de carteis con mensaxes sensibilizadores nas praias.

Nesta ocasión a actuación consistiu na instalación destas tres nasas, que foron fabricadas pola brigada municipal de obras.

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...