A Concellería de Xuventude en colaboración co Club Turístico-Cultural Subacuático organiza un curso gratuíto de apnea no municipio de Ribeira.
Esta oferta formativa está dirixida a persoas empadroadas en Ribeira con idades comprendidas entre os 16 e os 30 anos.
A acción comprenderá dúas sesións teóricas impartidas por videoconferencia os días 8 e 9 de agosto (de 9.30 a 13 horas), formación práctica en piscina (o día 10 de agosto, de 9 a 14 horas na Fieiteira) e formación práctica en mar (dúas saídas de dúas horas cada unha, o 10 de agosto de 17 a 19 horas e o 11 dce 9 a 11 horas). As prazas están limitadas a oito, cubríndose por orde de inscrición no rexistro xeral do consistorio local.
