Comezou Xuventude na Rúa, no Son, cun obradoiro de graffitis no Scooter Park

O Concello de Porto do Son compartiu imaxes do inicio de Xuventude na Rúa, que arrincou a semana pasada (o 15 de xullo) da man do grupo artístico e docente Vella Escola, iniciando á rapazada local en intervencións urbanas con graffitis, concretamente no Scooter Park de Porto do Son.

Xuventude na Rúa é un programa de lecer, creatividade, cultura e deporte do Concello. Inclúe actividades gratuítas para mozas e mozos de 13 a 17 anos, a desenvolver durante os meses de xullo e agosto dende o día 15 deste presente mes. Están previstos, amais dos obradoiros de graffiti, talleres de surf, percusión, fotografía e orientación.