Comeza a conta atrás para o inicio da XXI Festa Hortera de Porto do Son

Este contexto post-COVID no que semella que quedou definitivamente atrás o pandemia é un contexto no que regresan os grandes acontecementos estivais que ficaran en paréntese. Na listaxe de grandes acontecementos cuxo retorno celebramos atópase a Festa Hortera de Porto do Son (edición XXI), que se desenvolve a primeira fin de semana de agosto, ou sexa, o venres 5 de agosto e o sábado 6.

O programa de actividades vén con todos os seus puntos fortes e algún máis de agasallo, incluído un concurso de playbacks que xa ten aberto o prazo de inscrición a través do Facebook da festa (até o 3 de agosto), sendo necesario enviar unha mensaxe para confirmar a nosa asistencia neste singular certame onde, máis que cantar, premiarase e valorarase iso que se vén chamando posta en escena.

A festa comezará o día 5, venres, co desfile charramangueiro (hortera) que está previsto levar a cabo no Camiño Novo. O día 6 será o día grande da celebración, que tamén porá o foco nas novas xeracións de horteriñas (achegándolles xogos e obradoiros). O programa desta xornada inclúe o devandito concurso de playbacks, o desfile grande ou a carreira de tacóns. Máis datos no Facebook da festa.