Adxudicados os traballos de pavimentación, saneamento e abastecemento dun camiño en Braña do Muro, Aguiño

05 Xullo 2022

O Concello de Ribeira adxudicou con carácter definitivo os traballos de pavimentado, saneamento e abastecemento dun camiño en Braña do Muro, na parroquia de Aguiño. De entre as ofertas presentadas a que resultou adxudicataria foi a pertencente á empresa Transmaser Excavaciones S.L.., conforme a unha proposta económica de 118.705,94 euros.

De acordo co proxecto técnico elaborado polos servizos técnicos municipais, as obras que se van realizar abranguen a instalación dunha tubaxe de saneamento SN4 de 315 milímetros de diámetro cunha lonxitude de 175 metros polo que se conducirán as augas fecais por gravidade ata o punto máis baixo do trazado, onde se implantará un bombeo dende o cal impulsaranse as augas a través dunha tubaxe de polietileno de alta densidade de 175 metros de longo e 75 milímetros de diámetro ata a súa conexión á rede xeral.

En canto ás obras de abastecemento, implantarase unha tubaxe de alta densidade de 187 metros de longo e 75 milímetros de diámetro; mentres que para mellorar o tránsito de vehículos e peóns e mellorar a seguridade no camiño, proxéctase o seu aglomerado nun ancho de 6 metros.

A actuación está enmarcada no Plan POS+201 e o prazo de execución son tres meses.

Outros artigos

Ribeira celebrará este domingo 25 de febreiro o seu Xantar de Maiores

O Concello de Ribeira celebra este domingo o Encontro das Persoas Maiores no Pavillón da Fieiteira. Espérase dar acollida a máis de 870 persoas maiores de 55 anos ou xubiladas. O evento comezará ás 12:00 horas coa celebración relixiosa na Igraxa Parroquial de Santa...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...