A revista Nova Ardentía pon o foco nos estaleiros de ribeira e nas embarcacións tradicionais

12 Xullo 2022

Un novo número da revista anual da cultura marítima Nova Ardentía será presentada no Grove este xoves, 14 de xullo, na Sala das Cunchas do Concello, ás 20 horas. O monográfico especializado en todo o referente ao mundo do mar de Galicia, editado pola Federación Galega de Asociacións pola Cultura M;arítima e Fluvial (Culturmar), inclúe neste novo número traballos, en galego e portugués, sobre a construción naval en madeira e os estaleiros de ribeira; a recuperación arquitectónica da carpintaría de Ciprián, en Outes; as camboas e as pesqueiras; o espazo museolóxico de Esposende; a illa de Ons e o Gran Sol; as actividades de navegación tradicional, náuticas, de vela, e outras singraduras históricas… Ademáis das seccións habituais como as recomendacións de lecturas, e achegas de natureza, nomes dos peixes, e apuntamentos literarios e culturais variados.

Nesta entrega hai colaboracións referidas a case todo o litoral galego, dende o mar de Ribadeo e a Mariña de Lugo, ata Ortegal e a Costa da Morte, chegando as rías da Coruña, Muros e Arousa, Vigo e o Baixo Miño.

O acto de presentación organizado polas Asociacións Dorna Meca, do Grove, e Grupo Etnográfico Mascato, de Cambados, contará coas intervencións de dúas das persoas sobre as que se publican senllos traballos: o emprendedor grovense, Alfredo Fernández Prieto, e o artista Xosé Lois Oubiña. Estarán tamén os irmáns Manolo e Eduardo Parada, autores dun dos traballos no que explican o proceso de recuperación patrimonial da vela dun racú. E con eles os membros da redacción Xosé Emilio Ínsua e Antón Mascato; ademáis da deseñadora Sole Rei.

Nova Ardentía naceu en 2004 coa cabeceira de Ardentía, sendo o seu director o prematuramente desaparecido especilista en cultura do mar, Luís Rei (1960-2015), dende o seu falecemento incorporouse á cabeceira o adxectivo Nova, á maneira da tradición mariñeira dos folios dos barcos cando mudan de mans.

A entrada é libre ata completar o aforo.

Outros artigos

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...