Os actos polo Día de San Cristovo volverán a Ribeira este domingo 10 de xullo cun programa de actividades que foi presentado na Casa do Concello por parte da concelleira de Cultura, María Sampedro; o párroco de Santa Uxía Alfonso Mera; e Paula Pena en representación da Asociación Alfaia.
O evento dará comezo ás dez da mañá cunha concentración de vehículos no Malecón, en tanto que as once haberá unha actuación do grupo de música tradicional Tahúme de Olveira.
Xa ás doce do mediodía, a Igrexa Parroquial de Santa Uxía albergará unha misa solemne en memoria das persoas falecidas en accidentes de tráfico e, en especial, aos camioneiros. Ao remate terá lugar unha ofrenda homenaxe no adro da igrexa.
Acto seguido celebrarase o tradicional desfile da imaxe de San Cristovo acompañado do grupo Tahúme e o motoclub Os Reventapistóns ata o porto, onde se realizará á bendición e posterior percorrido de todos os vehículos co seguinte itinerario: porto, García Bayón, paseo das Carolinas, avenida da Coruña ara a rotonda das Saíñas, regreso a Padín, Lepanto, Miguel Rodríguez Bautista, Alcalde Fernández Bermúdez, Rosalía de Castro e conclusión na Porta do Sol.
Sardiñada en Aguiño
Unha vez concluído haberá unha sardiñada na explanada porto de Aguiño por cortesía do gremio de transportistas.
Tanto María Sampedro como Alfonso Mera e Paula Pena animaron á veciñanza á sumarse a esta actividade tan enraizada no concello.
