O esencial é invisible aos ollos.
Así pois, hoxe queremos lembralo.
Antoine Marie Jean-Baptiste Roger, conde de Saint-Exupéry (Lyon, 29 de xuño de 1900 – Mar Mediterráneo, preto de Marsella, 31 de xullo de 1944), coñecido como Antoine de Saint-Exupéry, foi un aviador e escritor francés, autor da famosa obra O principiño.
Entre xuño e xullo, 122 anos do seu falecemento e 78 do seu accidente mortal, queremos render homenaxe a un dos libros máis lidos da historia, a pesar dos anos pasados segue sendo de actualidade, é un canto á vida, ao amor, á amizade, é un profundo sentimento, para non estendernos só poremos unhas frases que definen o libro, traducido en mais de 250 idiomas, din que é o segundo libro mais traducido do mundo despois da Biblia.
Pode en principio aparentar que é un libro para nenos, que talvez, a miña opinión é un libro para persoas que queiran ver o mundo doutra maneira, para a familia, para xente sensible, que sabe que hai algo máis alá do horizonte, un libro de actualidade, un libro de profundos valores.
“Es o dono da túa vida e as túas emocións, nunca o esquezas. Para ben e para mal”.
“Débese pedir a cada cal, o que está ao seu alcance realizar”.
“Foi o tempo que pasaches coa túa rosa o que a fixo tan importante”.
“Non era máis que un raposo semellante a cen mil outros. Pero eu fíxenlle o meu amigo e agora é único no mundo”.
“É unha tolemia odiar a todas as rosas só porque unha che picara. Renunciar a todos os teus soños só porque un deles non se cumpriu”.
“O esencial é invisible aos ollos”.
E con esta frase finalizo, entendendo que todos compartimos ese sentimento, é un libro para gozar, diría máis, é un libro que nos axuda a ser felices, no posible.
