O Concello de Porto do Son vai dar un novo avance en sustentabilidade e eficiencia enerxética no municipio, poñendo o foco, desta volta, nos seus edificios públicos. En concerto, anunciou a instalación de equipamentos máis respectuosos cos recursos naturais na Piscina Municipal e no Colexio Santa Irene. Respecto deste último inmóbel substituirase a caldeira actual de gasóleo, obsoleta enerxeticamente por un sistema térmico de biomasa que proporcionará calefacción e auga quente á comunidade escolar e docente ao longo de toda a xornada lectiva e “cando sexa necesario”, en palabras do Concello. O investimento será de 57.596 euros, dos cales 43.738 euros farase cargo o Instituto Enerxético de Galicia (INEGA).
A maiores será obxecto dunha mellora enerxética a Piscina Municipal, onde se procederá a colocar setenta paneis solares monocristalinos, na cuberta do inmóbel, complementando a rede de paneis solares térmicos que xa existen no edificio. Mobilizaranse para tal fin 40.232 euros, de los que o INEGA sufragará 25.161 euros. O obxectivo é evitar a emisión de 58,49 toneladas de CO2 cada ano.
