O Colexio Bayón primeiro centro educativo en completar o Camiño “A Orixe”

15 Xuño 2022

A primeira tenente de alcalde de Ribeira, María Sampedro, recibiu esta mañá a unha
representación de dezasete alumnos de Secundaria do Colexio Bayón que participaron nun proxecto multidisciplinar que xirou en torno ao Camiño de Santiago A Orixe.
Así, o alumnado de ESO desta escola converteuse no primeiro centro educativo en completar as seis etapas da ruta xacobea barbanzana (tamén algún curso de Primaria realizou algunha etapa puntual),
principiando no faro de Corrubedo e rematando coa misa do peregrino na Catedral de Santiago.
Montse Martínez, que interveu no acto celebrado no salón de plenos no nome do claustro de profesores (tamén estivo presente a súa compañeira María José Rivas) manifestou que o citado proxecto
abrangue un amplo espectro de actividades que teñen como obxectivo principal o coñecemento e valoración do patrimonio máis próximo, o impulso dunha vida saudable e o uso da lingua galega,
experimentando con novas formas de comunicación e incentivando a creatividade como ferramenta de aprendizaxe.

Neste senso, a medida que ían completando as etapas os alumnos foron recompilando vídeos, fotografías e datos que deron como resultado a realización de distintos traballos, como a creación dun
blog (https://caminodaorixe.blogspot.com/), e elaboración de trípticos sobre a experiencia e unha revista dixital.
Na sesión de hoxe, varios dos alumnos presentes explicaron o proceso de creación destes traballos, dos cales se entregou unha mostra á tenente de alcalde.
María Sampedro felicitou ao alumnado e profesorado do Colexio Bayón por levar a cabo este proxecto ao longo do curso e por poñer en valor o Camiño A Orixe.

Outros artigos

Adiado en Rianxo até o 17 de maio o acto de homenaxe a Rosalía

A Área de Cultura do Concello de Rianxo confirmou hoxe que por mor das condicións climáticas adversas previstas para este venres 23 de febreiro, o acto en lembranza de Rosalía de Castro que estaba previsto para a dita xornada na praza de Padrón (no paseo da Ribeira a...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...