O Concello de Rianxo presentou os detalles da edición 2022 do Campamento de Verán e Plan Madruga, dous programas de lecer que teñen o obxectivo de favorecer a conciliación nas familias durante a vindeira tempada estival.
Desenvolveranse entre o 4 de xullo e o 26 de agosto, estando previsto rematar as actividades cunha romaría familiar o 27 de agosto que marque o remate da edición 2022 do campamento.
O horario deste será o seguinte: de luns a venres, de 10.30 a 13.30 h. O horario do Plan Madruga será tamén de luns a venres pero de 08.00 a 10.30 h.
As persoas destinatarias serán nenas e nenos nados entre 2010 e o 2018, ambos incluídos. As actividades desenvolveranse en tres localizacións: o Pazo de Rianxiño, o CEP Brea Segade de Taragoña e máis o CEIP Ana Mª Diéguez de Asados. As prazas serán 195, distribuídas do seguinte xeito:
Pazo de Rianxiño: 120
CEP Brea Segade: 45
CEIP Ana Mª Diéguez: 30
O Plan Madruga ofrece 45 prazas, distribuídas desta maneira:
Pazo de Rianxiño: 15
CEP Brea Segade: 15
CEIP Ana Mª Diéguez: 15
A cota de Inscrición é de 80 euros para o campamento e de 15 para o Plan Madruga.
