O alumnado do IES Praia Barraña pintou no CEIP Pazos-Comoxo un mural no que tamén colaborou o alumnado do centro que foi obxecto da intervención artística. A concelleira de Educación, María Outeiral, aproveitou a festa de fin de curso do centro para coñecer o resultado dos traballos.
Na elaboración deste traballo participaron Dana Barral, Erea Castelo, Antía Fresco, Andrea Gómez, Sandra Marcuño, Uxía Ramallo e Paula Sixto, todas elas de 1º de Bacharelato de Artes, xunto cos profesores do centro Pascual Vidal e Fran Blanco.
