Este martes 31 de maio o Concello de Noia (a través da Concellería de Deportes) presentou as actividades incluídas no Campamento Urbano 2022, que xa ten aberto o prazo de inscrición dende este primeiro de xuño.
De xeito complementario, o Consistorio tamén acolleu a axenda de lecer de Concilia Bergondo, edición 2022, que este ano ábrese á rapazada de Noia, pertenza ou non ao centro educativo onde se levarán a cabo as actividades. Por certo que o Concilia Bergondo tamén tan aberto o prazo de inscrición.
A edición 2022 do Campamento Urbano de Noia desenvolverase entre o 4 de xullo e o 12 de agosto, no Pavillón Agustín Mourís. Haberá tres quendas: a primeira, do 4 ao 15 xullo, a segunda, do 18 ao 29 de xullo, e a terceira do 1 ao 12 de agosto.
Estes son os horarios do campamento noiés:
-08:30 a 09:30: Madrugadores.
-09:30 a 14:00: Campamento.
-14:00 a 15:00: Recollida tardía.
As inscricións deberán facerse na Casa do Concello, no rexistro de entrada en horario de 09:00h a 14:00h ata o 25 de xuño.
Ademais, o segundo fillo terá un desconto do 50% e o terceiro dun 80%.
Respecto do Concilia Bergondo 2022, celebrarase entre o día 23 de xuño e o 7 de setembro. A primeira quenda será do 23 de xuño ao 4 de xullo, a segunda do 4 de xullo ao 16 de agosto, e a terceira do 16 de agosto ao 7 de setembro. Os horarios son os seguintes:
-07:30 a 10:00: Bos días.
-10:00 a 14:00: Campamento.
-14:00 a 15:00: Comedor (xantar con tupper).
A inscrición farase online a través desta ligazón.
